Almatyda saraptamadan ótpegen jol jobasyna 202 mln teńge jumsalǵan
ASTANA. KAZINFORM — Almatyda sapasyz avtojol jobasyn jasaǵany úshin sotqa deıingi tergeý bastaldy, dep habarlaıdy qalalyq prokýratýranyń baspasóz qyzmeti.
Almaty qalasynyń prokýratýrasy avtomobıl jolyn qaıta jańartý jobasyn ázirleý kezinde bıýdjet qarajatyn zańsyz jumsaý faktilerin anyqtady.
Jergilikti Jol ınfraqurylymyn damytý basqarmasy merdigerge memlekettik saraptamadan ótpegen jáne iske asyrylýy múmkin emes jobalyq-smetalyq qujattama úshin 202 mln teńge tólegeni anyqtaldy.
Budan bólek tapsyrys berýshi 27 mln teńgege sharttyń oryndalýyn qamtamasyz etý úshin turaqsyzdyq aıybyn óndirip almaǵan.
— Laýazymdyq ókilettikterin teris paıdalaný faktisimen prokýratýra Qazaqstan Respýblıkasy Qylmystyq kodeksiniń 361-babymen sotqa deıingi tergep-tekserýdi bastady. Tergep-tekserýdi Almaty qalasy UQKD-niń Sybaılas jemqorlyqqa qarsy qyzmeti júrgizip jatyr. Qylmystyq-protsestik kodekstiń 201-babyna sáıkes ózge málimetter taratýǵa jatpaıdy, — delingen habarlamada.
Osyǵan deıin jol sapasyn baǵalaýǵa Japonııa tehnologııasy tartylýy múmkin ekenin jazǵanbyz.
