Almatyda sapasyz taýarǵa tólengen 402 mln teńge tutynýshylarǵa qaıtaryldy
ALMATY. KAZINFORM — Saýda jáne tutynýshylar quqyǵyn qorǵaý departamenti jyl basynan beri 9 myńǵa jýyq ótinishti qarady.
–– Jospardan tys 60 tekserý júrgizildi jáne 265 ákimshilik jaza qoldanyldy. Qabyldanǵan sharalardyń nátıjesinde tutynýshylardyń paıdasyna 402 mıllıon teńgeden astam qarajat qaıtaryldy, –– dedi Óńirlik kommýnıkatsııalar qyzmetinde ótken baspasóz máslıhaty barysynda departament basshysynyń orynbasary Nurlan Abdıev.
Spıkerdiń sózinshe, kelip túsetin ótinimderdiń negizgi úlesi bólshek saýda jáne elektrondyq saýda salasyna qatysty.
Tekserý barysynda anyqtalǵan negizgi zańbuzýshylyqtar sapasyz taýarlardy aıyrbastaýdan nemese qaıtarýdan bas tartýǵa, shaǵymdarǵa jaýap berý merzimderin saqtamaýǵa jáne saýda ústemeleri týraly zańnamany buzýǵa baılanysty.
–– Esepti kezeńde áleýmettik mańyzy bar taýarlarǵa baǵa belgileýdiń deldaldyq shemalaryn tergeý jónindegi komıssııanyń 30 otyrysy ótkizildi, bul 662 buzýshylyqty anyqtaýǵa jáne joıýǵa múmkindik berdi, –– dedi ol.
Osyǵan deıin Almatyda Zielinski Rozen, Duracell, Lego jáne Apple sııaqty tanymal brendterdiń kóshirmesi tárkilengeni týraly jazǵan edik.