18:34, 04 Qazan 2023 | GMT +6
Almatyda samokat mingen 13 jasar balany júk kóligi qaǵyp mert qyldy
Almatyda samokat júrgizip kele jatqan jasóspirimdi júk kóligi basyp ketti, dep habarlaıdy QazAqparat tilshisi.
Kisi ólimine ákelgen jol apaty búgin saǵat 15:55-te Almatynyń Tımırıazev kóshesinde bolǵan.
Onyń vıdeosy áleýmettik jelide tarady.
«Howo» markaly júk kóliginiń júrgizýshisi Tımırıazev kóshesimen shyǵys baǵytta kele jatyp, ońǵa burylǵanda samokatpen batysqa qaraı júrip bara jatqan 2010 jyly týǵan J. esimdi balany qaǵyp ketti. Alǵan jaraqatynyń saldarynan jasóspirim oqıǵa ornynda kóz jumdy», — dep habarlady polıtsııadan.
Atalǵan derek QR QK 345-baby 3-bóligi boıynsha sotqa deıingi tergeýdiń biryńǵaı tizilimine tirkeldi.
Saraptama taǵaıyndaldy.
Posmotret etý pýblıkatsııý v Instagram
