Almatyda salynýy tıis jańa-kongress ortalyqtyń qurylysy qaı satyda

ALMATY. KAZINFORM – Almatyda jańa kongress-ortalyq jobasy qandaı satyda?

2019 jyly «Almaty qalasyn damytý 50 draıver-jobasy» aıasynda qalada zamanaýı kongress-ortalyq salynatyny belgili boldy.

Jyl basynda Almatynyń burynǵy ákimi jańa kongress-ortalyqtyń qurylysy nege bastalmaı turǵanyn túsindirgen bolatyn.

- Kongress-ortalyq memleket ıeliginde bolady. Jerdi belgilengen baǵamen satyp alamyz. Oǵan kelispegen adamdardyń sotqa shaǵymdanýǵa quqyǵy bar. Bastysy joba úshin qajetti jerdiń basym bóligi qalanyń ıeliginde. Tek jobany tolyq iske asyrý úshin qosymsha aýmaqty satyp alý qajet, - dedi ol.

Almaty qalalyq josparlaý jáne ýrbanıstıka basqarmasynyń málimetinshe, kongress-ortalyq Medeý aýdany: Jamaqaev, Aldar kóse, 8-shi Gvardııalyq dıvızııa, Shýkshına kósheleriniń sharshysynda salynady. Qazirgi ýaqytta joba qandaı satyda ekenin jáne qurylys úshin qansha jer telimi alynǵanyn naqtylaý úshin qala ákimshiligine saýal joldadyq.

Almaty qalasy jer qatynastary basqarmasynyń jaýabyna sáıkes, nysandy 11,4 gektar aýmaqta salý josparlanyp otyr. Onyń 9,3 gektary - memlekettik qordyń jeri bolsa, 2,1 gektar aýmaq jeke tulǵalardan májbúrli túrde alynady.

- Májbúrlep ıelikten shyǵarýǵa jatatyn 28 jer ýchaskesiniń 13-i satyp alyndy. «Almaty qalasyndaǵy Kongress-holl» jobasy qalany halyqaralyq konferentsııalar, mádenı is-sharalar kórmeler men kontsertter ótkizetin zamanaýı kópfýnktsıonaldy zaldarmen qamtamasyz etýdi kózdeıdi. Syıymdylyǵy 2 myń adam deıin bolady, - delingen basqarma jaýabynda.

Al qalalyq josparlaý jáne ýrbanıstıka basqarmasy Kongress-ortalyq qurylysyna qajet qujattama, sáýlet-josparlaý tapsyrmasy jáne eskızdik joba ázirge berilmegenin atap ótti.

Eske salaıyq, Almatyda 40 qabatty keshenniń qurylysy toqtatyldy.