Almatyda Saın kóshesiniń uzartylǵan bóligimen júretin avtobýstar kóbeıdi
ALMATY. KAZINFORM — Almatyda 25 shildeden bastap № 61, № 218 jáne № 238 avtobýs baǵyttarynyń qozǵalys syzbasy ózgeredi.
Jol qozǵalysy uıymdastyrý jáne jolaýshylar kóligin uıymdastyrý basqarmasynyń málimetinshe, bul sheshim Saın kóshesiniń Rysqulov dańǵylynan Aqyn Sara kóshesine deıingi jańa ýchaskesinde kólik qozǵalysynyń ashylýyna, sondaı-aq Rysqulov dańǵylynan Mustafın kóshesine deıin qoǵamdyq kólikke arnalǵan arnaıy jolaqtyń iske qosylýyna baılanysty qabyldanǵan.
— Ózgeris qoǵamdyq kóliktiń qozǵalys jyldamdyǵy men turaqtylyǵyn arttyrýǵa, sondaı-aq jańartylǵan kóshe-jol jelisin tıimdi paıdalanýǵa baǵyttalǵan, — dep habarlady vedomstvo.
25 shildeden bastap marshrýttar tómendegi syzba boıynsha qatynaıdy:
№ 218 marshrýt
- Ońtústik baǵytta: Móńke bı kóshesi — Saın kóshesi — Abaı dańǵyly — ıAssaýı kóshesinen keıin keri burylý — Abaı dańǵyly — «B. Momyshuly metro beketi» sońǵy aıaldamasy.
- Keri baǵytta: «B. Momyshuly metro beketi» — Abaı dańǵyly — Saın kóshesi — Móńke bı kóshesi — ári qaraı qoldanystaǵy syzba boıynsha.
№ 238 marshrýt
- Ońtústik baǵytta: Saın kóshesi — Tóle bı kóshesi — «Avtostantsııa» sońǵy aıaldamasy.
- Keri baǵytta: «Avtostantsııa» — Tóle bı kóshesi — Saın kóshesinen keıin keri burylý — Tóle bı kóshesi — Saın kóshesi — ári qaraı qoldanystaǵy syzba boıynsha.
№ 61 marshrýt
- Ońtústik baǵytta: Abaı dańǵyly — Saın kóshesi — ál-Farabı dańǵyly — «Arman» avtostantsııasy sońǵy aıaldamasy.
- Keri baǵytta: «Arman» avtostantsııasy — Jarokov kóshesiniń jolaıyryǵy — ál-Farabı dańǵyly — Saın kóshesi — Abaı dańǵyly — ári qaraı qoldanystaǵy syzba boıynsha.
Eske salaıyq, buǵan deıin Tóle bı kóshesin uzartýǵa baılanysty avtobýs baǵyttary ózgeretinin jazǵanbyz.
