Almatyda Saın kóshesiniń bóliginde jyldamdyq rejımi ózgerdi
ALMATY. KAZINFORM — Almatynyń basty kósheleriniń birinde jyldamdyq rejımi ózgerdi.
Almaty qalasy Jol qozǵalysyn uıymdastyrý jáne jolaýshylar kóligi basqarmasynyń málimetinshe, Saın kóshesiniń Rysqulov dańǵylynan Tóle bı kóshesine deıingi bóliginde qoǵamdyq kólikke arnalǵan arnaıy jolaqty uıymdastyrý sharalary aıasynda jol qozǵalysyn uıymdastyrý shemasy túzetildi.
Bekitilgen shemaǵa sáıkes, qoldanystaǵy qozǵalys jolaqtarynyń eni qaıta bólinip, nátıjesinde tórt qozǵalys jolaǵy jasalǵan.
— Jol qozǵalysy qaýipsizdigin arttyrý maqsatynda, sondaı-aq Saın kóshesiniń Raıymbek dańǵyly jáne Tóle bı kóshesimen qıylystaryndaǵy kólik aıryqtarynan kirip-shyǵý múmkindikterin eskere otyryp, atalǵan ýchaskede eń joǵary qozǵalys jyldamdyǵy 60 km/saǵatqa deıin shekteldi, — dep habarlady vedomstvo ókilderi.
Eske salaıyq, bıyl 20 maýsymnan bastap Saın kóshesiniń Rysqulov dańǵylynan Mustafın kóshesine deıingi bóliginde pılottyq rejımde qoǵamdyq kóliktiń arnaıy jolaǵy jumys iske qosyldy. Qoǵamdyq kólik joly kóshede sary túspen bólindi.
Keıin turǵyndar shaǵymynan keıin Saın kóshesiniń avtobýs jolaǵyna ózgeris engizildi.
