Almatyda Saın dańǵylynyń uzartylǵan bóligi jeltoqsan aıynda qoldanysqa berilmek

ALMATY. KAZINFORM — Bul týraly Kazinform saýalyna jaýap bergen Almatynyń qalalyq mobıldilik basqarmasy habarlady.

Buǵan deıin osy jyldyń shilde aıynda Saın kóshesi Rysqulov dańǵylynan Aqyn Sara kóshesine deıin jalpy uzyndyǵy 3,2 shaqyrymǵa uzartylatyny habarlandy.

Qalalyq mobıldilik basqarma basshysynyń orynbasary Asan Bostanovtyń jaýabyna sáıkes, búginde uzyndyǵy 1,6 shaqyrym bolatyn ýchaskede asfalt-beton jamylǵysyn tóseý jumystary aıaqtalǵan. Qalǵan bólikte qurylys jumystary júrip jatyr. Odan bólek jer tósemesiniń negizin nyǵaıtý jumystary 85%-ǵa, 110 kV elektr jelisin qaıta jabdyqtaý jumystary 50%-ǵa oryndalǵan.

— Kelisimshart boıynsha qurylys jumystarynyń aıaqtalýy 2025 jyldyń jeltoqsan aıynda josparlanǵan, — delingen resmı jaýapta.

Eske salaıyq, buǵan deıin Almatyda Saın kóshesiniń jańa bóligi nelikten qoldanysqa berilmegenin jazǵanbyz.