Almatyda Rozybakıev kóshesiniń bir bóliginde qozǵalys ýaqytsha shekteledi
ALMATY. KAZINFORM – 11 sáýirde saǵat 00:00-den 06:00-ge deıin Rozybakıev – Shtraýs jáne Rozybakıev – Jandosov kósheleriniń qıylystarynda avtokólik qozǵalysy jartylaı shekteledi.
«Alataý Jaryq Kompanııasy» AQ málimetinshe, shekteýler 10 kV kerneýli kabel jelisiniń eki ótkelin ashyq ádispen júrgizý jumystaryna baılanysty engiziledi.
Bul jumystar «PS-6A, PS-168A (2 kezeń) nysandarynda 6 kV jelilerin 10 kV kerneýge aýystyrý» jobasy aıasynda júzege asyrylmaq. Jumysty merdiger uıym – «SARYARKA-MS» JShS atqarady.
Kompanııanyń habarlaýynsha, jobanyń negizgi maqsaty – Almaty qalasy tutynýshylaryn elektr qýatymen qamtamasyz etýdiń senimdiligi men sapasyn arttyrý.
– Qala turǵyndary men qonaqtarynan jol qozǵalysyn aldyn ala josparlap, ýaqytsha qolaısyzdyqtarǵa túsinistikpen qaraýlaryn suraımyz, - delingen habarlamada.
Eske salaıyq, buǵan deıin Almatynyń bir kóshesinde qozǵalys jazǵa deıin shekteletinin habarlaǵanbyz.
