Almatyda Roza Baǵlanova turǵan úıge mýral salyndy
ALMATY. KAZINFORM – Almatyda KSRO Halyq artısi, aty ańyzǵa aınalǵan ánshi Roza Baǵlanovaǵa arnalǵan mýral salyndy.
Ánshiniń beınesi Medeý aýdanyndaǵy Samal-3 shaǵynaýdany, 21-úıdiń qasbetine beınelendi.
Mýral turǵyndardyń ákimdikke jasaǵan ótinishi negizinde júzege asyryldy. Osydan keıin kórkem nysandy jasaý jumystary uıymdastyrylǵan. Jobanyń erekshe mańyzdylyǵy – Roza Baǵlanovanyń kezinde dál osy úıde turǵanynda.
Jobany daıyndaý jáne júzege asyrý jumystaryna Roza Baǵlanovanyń kelini Maral Baǵlanova da qatysqan.
– Osylaısha, Halyq artısiniń jarqyn beınesi endi halyq jadynda ári ulttyq óner tarıhynda ǵana emes, Almaty qalasynyń sáýlettik kelbetinde de máńgilikke saqtalmaq, - delingen Almaty ákimdigi taratqan habarlamada.
Eske salaıyq, buǵan deıin Astananyń Saraıshyq aýdanynda Qýanyshbaev kóshesi, 11/4 mekenjaıyndaǵy ǵımarattyń qasbetine tabıǵattyń jańarýy men qalanyń kórkem kelbetin beıneleıtin «Qyz ósse, eldiń kórki» atty jańa mýral salynǵanyn habarlaǵan edik.
