Almatyda Roland Garros Junior Series halyqaralyq irikteý týrnıri bastaldy
ASTANA. KAZINFORM – Almatydaǵy Gorky Tennis Park kesheniniń topyraq korttarynda Roland Garros Junior Series by Renault – Qualifications West and Central Asia halyqaralyq irikteý týrnıriniń ashylý saltanaty ótti. Bul týraly Tennıs federatsııasy habarlady.
Jarys Qazaqstan tennıs federatsııasy, Azııa tennıs federatsııasy (ATF) jáne Almaty qalasy ákimdiginiń qoldaýymen uıymdastyrylyp, Sport kúnine oraılastyrylǵan. Ashylý saltanatynda qatysýshylarǵa Almaty qalasy Sport basqarmasynyń basshysy Darhan Nurhanuly men Qazaqstan tennıs federatsııasynyń vıtse-prezıdenti Ardaq Ábijanov quttyqtaý sóz sóıledi.
Týrnırge Ortalyq jáne Batys Azııa elderinen 16 ul men 16 qyz qatysyp jatyr. Jarys qorytyndysy boıynsha irikteý kezeńiniń jeńimpazdary qazan aıynda Japonııada ótetin Roland Garros Junior Series fınaldyq kezeńinde óner kórsetý quqyǵyna ıe bolady. Sol jerde Roland Garros 2027 jasóspirimder týrnıriniń negizgi kezeńine beriletin jalǵyz joldama sarapqa salynady.
Bıyl Parıjdiń aty ańyzǵa aınalǵan topyraq korttarynda óner kórsetý múmkindigi úshin kúresti jalǵastyrýǵa Qazaqstan, Ózbekstan, Qyrǵyzstan, Iordanııa, Iran, Saýd Arabııasy, Túrikmenstan jáne Sırııa ókilderi talasady.
Qazaqstan atynan óz alańymyzdaǵy týrnırde Rodıon Traıgel, Dıas Túlepbergenov, Beksultan Baýyrjanov, Ivan Bondarenko, Amına Nurmahan, Lınara Býlesheva, Alýa Marat jáne Vlada Kýzmenko óner kórsetedi.
Qazaqstandyq jas padelshiler halyqaralyq týrnırde top jarǵanyn jazǵan edik.
