Almatyda Robottar festıvali bastaldy
ASTANA. KAZINFORM — Búgin Almaty qalasynda robototehnıka salasyndaǵy iri aımaqtyq is-sharalardyń biri - Robottar festıvali Daryn FIRST Qualifier 2026 bastaldy. Bul týraly Oqý-aǵartý mınıstrliginiń baspasóz qyzmeti habarlady.
Festıval oqýshylardyń ınjenerlik oılaýyn, baǵdarlamalaý daǵdylaryn, jobalyq jáne komandalyq jumys mádenıetin damytýǵa baǵyttalǵan.
Saıys 4 jastan 18 jasqa deıingi balalar men jasóspirimderge óz qabiletterin kórsetýge múmkindik beredi. Atalǵan saıysqa 200-ge jýyq komanda, 1500-den astam oqýshy qatysyp jatyr.
Daryn FIRST Qualifier 2026 - oqýshylar úshin tek jarys alańy ǵana emes, STEM (ǵylym, tehnologııa, ınjenerııa jáne matematıka) baǵytyndaǵy bilimdi damytýǵa, tájirıbe almasýǵa jáne jasóspirimderdiń kásibı baǵdaryn qalyptastyrýǵa arnalǵan mańyzdy alań.
Úsh kúnge sozylatyn saıystyń qorytyndysy boıynsha úzdik komandalar FIRST baǵdarlamasynyń kelesi kezeńderine joldama alady.
Aıta ketelik astanalyq oqýshy 1 mınýtta kýbık rýbık jınaıtyn robot jasap shyǵarǵan edi.