Almatyda Rysqulov dańǵylyn uzartý úshin 180 jer telimi satyp alyndy

ALMATY. KAZINFORM – Almatyda Rysqulov dańǵyly men Jubanov kóshesi uzartylady.

Almaty ákimdiginiń málimetinshe, Rysqulov dańǵylyn Ońǵarsynova kóshesinen qala shekarasyna deıin uzartý jobasy trotýar men velojoldary bar alty jolaqty joldy qamtıdy. Onyń jalpy uzyndyǵy - 2,3 shaqyrym. Nysannyń qurylysy úshin qajet 220 jer ýchaskesiniń qazir 183-i satyp alynǵan.

Sondaı-aq Jubanov kóshesin Momyshuly kóshesinen qala shekarasyna deıin uzartý úshin de jer ýchaskelerin satyp alý jumystary júrip jatyr. Joldyń jalpy uzyndyǵy - 3,9 shaqyrym. Búginde 365 jer ýchaskesiniń 120-sy satyp alynǵan.

Buǵan deıin Almaty qalasy ákiminiń orynbasary Almashan Smatlaev megapolıstiń Abaı, Saın, Rysqulov, Tóle bı jáne Jubanov kóshelerin uzartý jumystarynyń naqty merzimderin atady:

- Abaı dańǵyly (0,6km) men Saın kóshesin (3,2 km) uzartý jumystary osy jyldyń sońyna deıin aıaqtalady;

- Rysqulov dańǵyly (2,3 km) men Tóle bı (4,5 km) kóshesin uzartý jumystary 2026 jyldyń sońyna deıin aıaqtalady;

- Jubanov kóshesin (3,9 km) uzartý jumystary 2027 jyldyń sońyna deıin aıaqtalady.

Eske salaıyq, Almatyda Tóle bı kóshesin uzartý úshin 270 jer teliminiń 211-i satyp alyndy.