Almatyda respýblıkalyq endokrınologııa jáne qant dıabeti ortalyǵy ashyldy
ASTANA. KAZINFORM — Ortalyq óńirlerge ádistemelik kómek kórsetý, pánaralyq tásildi engizý jáne dıabettik taban kabınetterin qosa alǵanda, mamandandyrylǵan kabınetter jelisin keńeıtý úshin úılestirý alańyna aınalady, dep habarlaıdy DSM baspasóz qyzmeti.
Búgin QR DSM Kardıologııa jáne ishki aýrýlar ǴZI bazasynda Respýblıkalyq endokrınologııa jáne qant dıabeti quzyrettiligi ortalyǵynyń saltanatty ashylýy ótti. Іs-sharaǵa QR Densaýlyq saqtaý mınıstri Aqmaral Álnazarova, S. Asfendııarov atyndaǵy QazUMÝ rektory Marat Shoranov, Almaty qalasynyń QDB basshysy Marat Pashımov jáne basqa da resmı tulǵalar qatysty.
Qant dıabeti negizgi medıtsınalyq-áleýmettik problemalardyń biri bolyp qala beredi. Qazaqstanda 544 myńnan astam patsıent tirkelgen, onyń 95%-y 2 tıpti qant dıabetimen aýyrady.
— Endokrınologııalyq qyzmetti nyǵaıtý — otandyq densaýlyq saqtaýdyń strategııalyq baǵyty. Jańa ortalyq dıagnostıka men emdeýdiń zamanaýı ádisterin engizýge, patsıentterdiń ómir súrý sapasyn arttyrýǵa jáne asqyný qaýpin azaıtýǵa múmkindik beredi, — dep atap ótti Densaýlyq saqtaý mınıstri Aqmaral Álnazarova.
Ortalyq óńirlerge ádistemelik kómek kórsetý, pánaralyq tásildi engizý jáne dıabettik taban kabınetterin qosa alǵanda, mamandandyrylǵan kabınetter jelisin keńeıtý úshin úılestirý alańyna aınalady. Komandanyń quramynda endokrınologter, oftalmologter, pedıatr hırýrgteri jáne basqa da mamandar bar. Patsıentter qant dıabetin keshendi basqarý jáne ózin-ózi baqylaý boıynsha bilim alady.
Ortalyqta monıtorıng pen terapııaǵa arnalǵan zamanaýı qurylǵylar engizildi, sondaı-aq «Qant dıabeti mektepteri» júrgizilýde. Ortalyqtyń ashylýy asqynýlardyń aldyn alýǵa jáne mamandandyrylǵan kómektiń qoljetimdiligin arttyrýǵa baǵyttalǵan Qazaqstannyń endokrınologııalyq qyzmetin damytýdaǵy mańyzdy qadam boldy.
Mınıstr «endokrınologııa» beıini boıynsha quzyrettilik ortalyqtaryn tek kópbeıindi oblystyq aýrýhanalar bazalarynda ǵana emes, sonymen qatar MSAK deńgeıinde, atap aıtqanda, asqynýlardyń damýyn boldyrmaý jáne aıaqtardyń saýlyǵyn saqtaý úshin dıabettik taban kabınetterin ashý qajettigin atap ótti. KІAǴZI óńirlerge uıymdastyrýshylyq-ádistemelik kómek kórsetý úshin úılestirýshi ortalyqqa aınalýy tıis.
Budan buryn Almatyda psıhotroptyq zattardy jetkizý arnasy áshkere bolǵanyn jazdyq.