Almatyda Respýblıka kúnine oraı qandaı is-sharalar ótedi
ALMATY. KAZINFORM - Almatyda 25 qazan Respýblıka kúnine oraı mádenı-buqaralyq, sporttyq jáne tanymdyq is-sharalar uıymdastyrylady.
Merekelik baǵdarlama aıasynda kontsert, mýzeı jáne kitap kórmesi, dóńgelek ústel, sporttyq jarys, zııatkerlik oıyn, baıqaý, tanymal tulǵalarmen kezdesý, fleshmob pen jastar aktsııasy ótedi. Sondaı-aq «Taza Qazaqstan» respýblıkalyq aktsııasy aıasynda senbilik ótkizý josparlanǵan.
23 qazanda Respýblıka saraıynda Respýblıka kúnine arnalǵan merekelik kontsert ótedi. Sol kúni 18:30-da «Alataý» dástúrli óner teatrynda «Egemen el – eńseli el» kontserti uıymdastyrylady.
25 qazanda «Medeý» sport kesheninde Memlekettik Týdy kóterý rásimi ótedi.
Sol kúni saǵat 17:00-den 21:30-ǵa deıin Abaı alańynda tanymal ónerpazdardyń qatysýymen ashyq aspan astynda merekelik kontsert ótedi.
10–25 qazan aralyǵynda kitap oqýǵa degen qyzyǵýshylyqty arttyrýǵa baǵyttalǵan jalpyqalalyq «Oqıtyn ult – ozyq ult» aktsııasy ótip jatyr.
20–25 qazan aralyǵynda Memlekettik akademııalyq qýyrshaq teatrynda Respýblıka kúnine oraı IV Halyqaralyq «Almaty Puppet Festival – 2026» qýyrshaq teatrlary festıvali ótedi.
Almaly aýdany
22 qazan, saǵat 15:00 – Qurmanǵazy atyndaǵy Qazaqulttyq halyq aspaptar orkestrinde merekelik kontsert.
Túrksib aýdany
22 qazan, saǵat 15:00 – №6 Oqýshylar úıinde kontsert.
Áýezov aýdany
22 qazan, saǵat 15:00 – «Narhoz» ýnıversıtetinde merekelik is-shara.
Naýryzbaı aýdany
22 qazan, saǵat 14:30 – Oqýshylardyń ınnovatsııalyq shyǵarmashylyq ortalyǵynda kontserttik baǵdarlama.
Jetisý aýdany
23 qazan, saǵat 11:00 – Mádenıet úıinde merekelik is-shara (Kemel shaǵynaýdany, Esim han kóshesi, 127).
Medeýaýdany
23 qazan, saǵat 12:00 – Jambyl atyndaǵy Qazaq memlekettik fılarmonııasynda saltanatty kontsert.
Bostandyqaýdany
23 qazan – Satbayev University-de kontserttik baǵdarlama.
Alataý aýdany
24 qazan, saǵat 18:00 – «Alataý» dástúrli óner teatrynda merekelik kontsert.
Sonymen qatar Respýblıka kúnine arnalǵan is-sharalar Almaty qalasynyń Jumyspen qamtý jáne áleýmettik baǵdarlamalar basqarmasyna qarasty áleýmettik ortalyqtarda da uıymdastyrylady. Qyzmet alýshylar úshin kontserttik jáne oıyn-saýyq baǵdarlamalary ázirlengen.
Eske salaıyq, Respýblıka kúni qarsańynda «Kitap oqıtyn ult» jobasynyń ánurany tanystyrylǵan edi.
