Almatyda Respýblıka kúni qalaı toılanyp jatyr
Respýblıka kúnine arnalǵan aktsııa aıasynda «Medeý» bıik taýly kesheniniń alańynda bıiktigi 40 metr memlekettik Tý kóterilip, Ánuran oryndaldy, dep habarlaıdy Kazinform.
Іs-sharaǵa Almaty ákimi Erbolat Dosaev, qoǵam qaıratkerleri, máslıhat depýtattary, ÚEU ókilderi, qala jastary qatysty.
Respýblıka kúnine arnalǵan is-shara «Medeýde» qazaqstandyq estrada ártisteriniń qatysýymen ótken kontsertpen jalǵasty. Sahnada Muqasan Shahzadaev, Maqsat Bazarbaev, Іnjý Ánýarbek, Abaı Begeı, Ashat Tarǵyn jáne Indıra Elemes óner kórsetti.
Sonymen qatar, Respýblıka kúni Almatyda birqatar basqa is-shara uıymdastyryldy:
- Jibek joly dańǵylynda, Panfılov pen Báıseıitova kósheleriniń arasynda saǵat 10:00-den 18:00-ge deıin qolónershiler jármeńkesi ótedi. Jármeńkede Qazaqstan, Ózbekstan jáne Qyrǵyzstan sheberleriniń qoldan jasalǵan buıymdary usynylady.
-10:00-den 18:00-ge deıin Abaı dańǵyly, 159 mekenjaıyndaǵy sport-jattyǵý kesheninde shaǵyn fýtbol, voleıbol jáne dzıýdodan, sonymen birge ál-Farabı atyndaǵy QazUÝ-da ústel tennısi jáne qazaq kúresinen sport festıvali ótedi.
- Saǵat 14:00-de «Kók-tóbe» saıabaǵynda «Almaty áýenderi» shyǵarmashylyq ujymdarynyń qatysýymen «Jasaı ber máńgi – Qazaqstan» atty merekelik kontsert ótedi.
- Balýan Sholaq atyndaǵy sport saraıynda 15:00-den 18:00-ge deıin qazaqstandyq estrada juldyzdary qatysatyn qazaq kúresinen «Óner barysy» týrnıri ótedi.
-Saǵat 16:00-de Qazaq memlekettik tsırkinde Respýblıka kúnine jáne ataqty kloýn jáne sıqyrshy Kárim Mutyrǵanovtyń 70 jyldyǵyna arnalǵan benefıs uıymdastyrylady. Akrobattar, áýe gımnasttary, jonglerler, ekvılıbrıster, ıllıýzıonıster men saıqymazaqtar shoý-baǵdarlama kórsetedi.
