Almatyda Respýblıka kúni qalaı atap ótiledi
ALMATY. KAZINFORM — Almatyda Respýblıka kúnine arnalǵan aýqymdy merekelik baǵdarlama bastaldy.
Almaty ákimdiginiń málimetinshe, qalada kontsert, sporttyq jarystar, ekologııalyq aktsııalar men patrıottyq kezdesýler uıymdastyrylady. Jalpy megapolıste 100-den astam is-shara ótedi.
24 qazan saǵat 15:00–de Respýblıka saraıynda Qazaqstannyń memlekettik egemendigi týraly Deklaratsııanyń qabyldanǵanyna 35 jyl tolýyna arnalǵan merekelik kontsert ótedi.
25 qazan saǵat 11:00–de «Medeý» muz aıdynynda Memlekettik Týdy kóterý rásimi ótip, ánuran shyrqalady. Sondaı-aq osy kúni Respýblıka saraıy aldyndaǵy alańda «Atameken» ánimen aýqymdy patrıottyq aktsııa ótedi.
23 qazan saǵat 15:00–de Almaly aýdanynda Qurmanǵazy atyndaǵy orkestr zalynda merekelik is-shara ótedi. 24 qazan saǵat 11:00–de Alataý aýdanynda Oqýshylardyń ınnovatsııalyq shyǵarmashylyq ortalyǵynda Respýblıka kúnine arnalǵan merekelik kontsert uıymdastyrylady. Osy ýaqytta Medeý aýdanynda Jambyl atyndaǵy Qazaq memlekettik fılarmonııasynda merekelik kontsert bolady.
Odan bólek qalada 15 qazannan bastap 25 qazanǵa deıin joǵary oqý oryndary arasynda «Qyran elim — Qazaqstanym» atty mánerlep oqý baıqaý ótip jatyr. 20-26 qazan kúnderi jastar arasynda Plastic-FREE Week ekologııalyq chellendji ótýde. Onyń maqsaty — bir rettik plastıkten bas tartý jáne ekologııalyq mádenıetti qalyptastyrý.
Al eń jarqyn bastamalardyń biri — Abaı alańyndaǵy Qazaq Flag Cube aktsııasy. Onyń aıasynda qatysýshylar rýbık kýbıkter arqyly Qazaqstannyń Memlekettik Týynyń beınesin qurastyrady. Ortalyq stadıonda kólemi 50×20 metr bolatyn Qazaqstannyń alyp Týyn kórsetý rásimi ótedi.
25-26 qazan kúnderi Jibek joly kóshesinde qolónershiler men sýretshilerdiń jármeńkesi ótedi. Onda sándik-qoldanbaly óner týyndylary usynylady.
Sondaı-aq Respýblıka kúni oraı qaladaǵy 10 saýda jáne oıyn-saýyq ortalyǵynda aýqymdy merekelik is-sharalar uıymdastyryldy.
Eske salaıyq, buǵan deıin Respýblıka kúni qarsańynda elordalyqtar úılerine memlekettik tý ile bastady.