Almatyda reseılik saılaýshylar daýys berip jatyr
ALMATY. KAZINFORM – Búgin Reseıde Prezıdent saılaýy ótip jatyr. Osyǵan baılanysty Almatydaǵy Reseı Federatsııasynyń Bas konsýldyǵynda daýys berý uıymdastyryldy.
Saılaýǵa daýys berýge kelgen halyqtyń qarasy kóp. Qalanyń Jandosov pen Manas kósheleriniń boıynda uzyn-sonar kezek paıda boldy. Degenmen daýys berýge kelgen saılaýshylardyń kóńili kóterińki.
«Reseılikter belgili sebepterge baılanysty otanynan jyraqtap ketse de osylaısha jınalyp, daýys berip jatqany qýantady. Qazir saılaý tynysh, jaqsy ótip jatyr. Men balalarmen keldim, daýysymdy berip shyqtym. Men negizi Reseıde turamyn. Demalys alyp, osynda qonaqqa keldim. Reseıdiń ómirindegi mańyzdy oqıǵaǵa qatysýdy jón sanadym», - dedi Lena esimdi Máskeýden kelgen azamatsha.
83 jastaǵy zeınetker ıÝrıı Petrovıch Qazaqstan men Reseı arasyndaǵy dostyqtyń nyǵaıý berýin qalaıdy.
«Men negizi Reseıde týǵanmyn, Almatyda 1973 jyldan beri turamyn. Maǵan osynda turǵan unaıdy. Men Qazaqstan men Reseıdiń dostyǵyn qoldaımyn. Jalpy, Qazaqastannyń Reseı azamattaryn qabyldap jatqany qýantady. Mende 2000 jyldan beri mekendeý qaǵazy bar. Qazaqstan men Reseıge yntymaq, beıbitshilik tileımin. Eki eldiń dostyǵy nyǵaıa bersin», - dedi ıÝrıı Petrovıch.
Eske salaıyq, 2024 jyldyń 17 naýryzynda Reseıde Prezıdent saılaýy ótetinin buǵan deıin habarlaǵanbyz.
