Almatyda referendým ýchaskesinde ánuran ym-ıshara tilinde oryndaldy
ALMATY. KAZINFORM — Almatydaǵy barlyq daýys berý ýchaskelerinde AES salý máselesi jónindegi respýblıkalyq referendým Qazaqstannyń ánuranyn saltanatty oryndaýdan bastaldy.
Erekshe is-shara № 6 Oqýshylar úıindegi saılaý ýchaskesinde ótti. Bul jerde ánuran Túrksib aýdanynyń ákimdigi men «Qazaqstan sańyraýlar qoǵamy» qoǵamdyq birlestiginiń birlesýimen sýrdoaýdarmashylardyń kómegimen ym tiline aýdaryldy. Bul is-shara osy aýdanda turatyn estý jáne sóıleý qabileti buzylǵan azamattarǵa ánuran arqyly patrıottyq sezim syılady.
Aıta ketken jón, referendým ótkizilgen kúni saılaý ýchaskelerinde Jumyspen qamtý jáne áleýmettik baǵdarlamalar basqarmasynyń qoldaýymen onlaın rejımde 76 sýrdoaýdarmashy jumys isteıdi. Olar estý qabileti nashar adamdarǵa saılaý erejesimen tanysyp, tolyq aqparat alýǵa kómektesedi. Inklıýzıvtilikti arttyrý jáne barlyq qala turǵynyna teń quqyqty qamtamasyz etý maqsatynda uıymdastyrylǵan bul bastama estý jáne sóıleý qabileti buzylǵan azamattardyń saılaýǵa kedergisiz qatysýyna múmkindik beredi.
Eske salaıyq, buǵan deıin Almaty ákimi daýys berdi.
Sondaı-aq Úlken aýyly turǵyndary referendýmǵa belsendi qatysyp jatyr.
