Almatyda iri jolaıryq jóndeý jumystaryna jabylady

ALMATY. KAZINFORM – Almatyda Raıymbek - Momyshuly jolaıryǵynyń aýmaǵyna ortasha jóndeý júrgizilýine baılanysty kólik qozǵalysy ýaqytsha shekteledi.

20 tamyz saǵat 23.00-den 22 tamyz saǵat 11.00-ge deıin Momyshuly kóshesinde Tóle bı kóshesinen Taldyaral kóshesine deıingi estakadada, sondaı-aq oǵan burylatyn jáne odan shyǵatyn jol jabylady.

«Bul aýmaqty Tóle bı, Aqsaı 1-A, Saın, Espaev, Sýhambaev-Dospanov kósheleri arqyly aınalyp ótýge bolady. Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady. Marshrýtyńyzdy aldyn ala josparlap alýyńyzdy suraımyz», - dep habarlady ákimdikten.

Eske salaıyq, Almaty kósheleriniń birinde jylý qubyryn jóndeý merzimi uzarǵanyn jazǵan edik.