Almatyda iri kólemdegi páter urlyǵy ashyldy

ASTANA. KAZINFORM – Almatyda qomaqty qarjy saqtalǵan seıfti urlaǵan kúdikti ustaldy, dep habarlaıdy Polisia.kz.

Alataý aýdandyq polıtsııa basqarmasy qalalyq krımınaldyq polıtsııamen birlesip, jeke úıden seıfti urlap ketken 33 jastaǵy er adamdy qolǵa túsirdi.

Tergeý málimetinshe, ol seıfti úıden shyǵaryp, shabadanǵa salyp alyp ketken.

Polıtsııa dereginshe, kúdiktiniń taǵy bir osyndaı urlyqqa qatysy bary anyqtaldy. Alynǵan málimet boıynsha, ol qylmystardy tek túngi ýaqytta jasap, qalanyń ózge aýdandarynda da áreket etken bolýy múmkin. Qazir barlyq yqtımal qylmystyq epızodtardy anyqtaý úshin keshendi tergeý amaldary júrgizilip jatyr.

Aıta keteıik, kúdikti buryn da bótenniń múlkin urlaǵany úshin qylmystyq jaýapkershilikke tartylǵan. Qazirgi ýaqytta ol qamaýǵa alyndy.

Eske salaıyq, urlyq úshin sottalǵan qyzylordalyq merziminen 5 aı buryn bostandyqqa shyqty.