Almatyda psıhotroptyq zattardy jetkizý arnasy áshkerelendi

ALMATY. KAZINFORM – «Qarasora» jedel-aldyn alý is-sharasy aıasynda Almaty qalalyq polıtsııa departamentiniń esirtki qylmysyna qarsy is-qımyl basqarmasy qyzmetkerleri «Qazposhta» ókilderimen birlesip, psıhotroptyq zattardyń iri partııasyn alýǵa kelgen adamdy ustady. 

Іshki ister mınıstrligi baspasóz qyzmetiniń málimetinshe, tekserý barysynda poshta sálemdemesiniń ishinen shamamen 300 dana kúshti áser etetin tabletka tárkilendi. Aldyn ala málimet boıynsha, bul preparat shetelge jóneltilmek bolǵan. Ony alýshy – 31 jastaǵy Almaty turǵyny.

Qazirgi ýaqytta kúdiktige qatysty sotqa deıingi tergeý júrgizilip, onyń ózge de qylmystarǵa qatysy bar-joǵyn tekserilip jatyr. 

– Polıtsııa úshin esirtki aınalymyna qarsy kúres – negizgi basymdyqtardyń biri. Biz jetkizý arnalaryna tosqaýyl qoıyp, profılaktıkalyq jumystardy turaqty túrde júrgizip kelemiz. Barsha azamattardy qyraǵy bolýǵa, kúmándi sálemdemeler men usynystar týraly dereý ishki ister organdaryna «102» nómiri arqyly habarlaýǵa shaqyramyn, – dedi Almaty qalasy PD esirtki qylmysyna qarsy is-qımyl basqarmasynyń bastyǵy Murat Jumabaev.

Eske sala keteıik, osyǵan deıin Ulytaý oblysynda zańsyz aınalymnan 160 keliden astam esirtki zattary tárkilengenin habarlaǵan edik.