10:45, 04 Maýsym 2025 | GMT +5
Almatyda psıhıkalyq densaýlyq ortalyǵynan eki adam qashyp ketti
ALMATY. KAZINFORM – Volonterlerdiń habarlaýynsha, psıhıkalyq aýytqýy bar naýqastar emdeý mekemesinen 31 mamyr kúni qashyp ketken.
Olardyń biri — 32 jastaǵy Pavel Lavrov. Boıy 157 sm, dene bitimi ortasha, shashy qara, kózi qońyr. Oń qolynyń bileginde tyrtyq izderi bar.
Ekinshi naýqas —1992 jyly 16 qyrkúıekte týǵan Denıs Antıpın. Boıy 180 sm, dene bitimi ortasha, shashy qoıý qońyr. Ol da atalǵan mekemeden sol ýaqytta qashqan.
Almaty qalalyq Polıtsııa departamenti, atalǵan azamattarǵa qatysty izdeý jarııalanǵanyn málimdedi.
Kazinform agenttigi qashqyndarǵa qatysty Psıhıkalyq densaýlyq ortalyǵynyń baspasóz qyzmetine saýal joldady. Ázirge, jaýap joq.
Buǵan deıin ek jasóspirim Rýdnyıdaǵy túzetý ortalyǵynan qashyp ketken bolatyn.