Almatyda psıhıkalyq aýrýhanadan qashyp ketken naýqastar áli tabylǵan joq

ALMATY. KAZINFORM – Almatyda psıhıkalyq densaýlyq ortalyǵynan qashyp ketken eki adam áli izdestirilip jatyr. Jaǵdaıǵa qatysty ortalyq mamandary túsinik berdi.

– Psıhıkalyq aýytqýy bar naýqastar 31 mamyr kúni kúndizgi serýen kezinde ortalyqtan óz erikterimen shyǵyp ketken. Eki er adamdy tabý úshin shuǵyl sharalar qabyldadyq. Qazir olardyń qaıda ekeni belgisiz, ortalyq qyzmetkerleriniń kómegimen polıtseıler izdeý jumystaryn jalǵastyryp jatyr, – dep habarlady Almatyda psıhıkalyq densaýlyq ortalyǵynan.

Qashyp ketkenderdiń biri — 32 jastaǵy Pavel Lavrov. Boıy 157 sm, dene bitimi ortasha, shashy qara, kózi qońyr. Oń qolynyń bileginde tyrtyq izderi bar. 

Ekinshi naýqas —1992 jyly 16 qyrkúıekte týǵan Denıs Antıpın. Boıy 180 sm, dene bitimi ortasha, shashy qoıý qońyr. Ol da atalǵan mekemeden sol ýaqytta qashqan.

Buǵan deıin Almatyda psıhıkalyq densaýlyq ortalyǵynan eki adamnyń qashyp ketkeni týraly jazǵanbyz.