Almatyda prokýrorlar esirtki jarnamalaǵan telegram-arnalardy buǵattady
ALMATY. KAZINFORM - Bas Prokýrordyń tapsyrmasyn oryndaý maqsatynda Almaty qalasynyń prokýratýrasy esirtki quraldary men psıhotroptyq zattar jarnamalanyp, taratylatyn 16 telegram-arnany buǵattady.
Qalalyq prokýratýranyń málimetinshe, tekserý barysynda qatysýshylarǵa tyıym salynǵan zattardy satyp alý múmkindigimen qatar «zakladchık» jumysy usynylǵany anyqtaldy. Nátıjesinde sot Medeý aýdany prokýrorynyń tyıym salynǵan resýrstardy buǵattaý týraly talabyn qanaǵattandyrdy, olardyń qyzmeti toqtatyldy.
Kináli tulǵalardy belgilengen jaýapkershilikke tartý maqsatynda qadaǵalaý organy Qylmystyq kodekstiń 299-1-baby 1-bóligi boıynsha sotqa deıingi tergep-tekserýdi bastap (esirtkiquraldaryn, psıhotroptyq zattardy nemese olardyń analogtaryn, prekýrsorlardy nasıhattaý nemese zańsyz jarnamalaý), odan áritergeý úshin polıtsııaǵa joldady.
«Almaty qalasynyń prokýratýrasy jedel buǵattaý úshin azamattardy uqsas ınternet-resýrstar anyqtalǵan jaǵdaılar týraly habarlaýǵa shaqyrady», - delingen habarlamada.
Almatyda sıntetıka óndirýmen aınalysqan esirtki zerthanasy anyqtalǵanyn jazǵan bolatynbyz.
