Almatyda prokýratýranyń yqpalymen 44,5 myń tonna prekýrsorǵa berilgen lıtsenzııa qaıtaryldy
ALMATY. KAZINFORM - Almaty prokýratýrasynyń sharalary nátıjesinde prekýrsorlardyń ımportyna/eksportyna berilgen lıtsenzııa qaıtarylyp alyndy, dep habarlaıdy Almaty qalalyq prokýratýrasynyń baspasóz qyzmeti.
Baspasóz qyzmetiniń málimetterine qaraǵanlda, qadaǵalaý qyzmetiniń sheńberinde esirtki quraldarynyń, psıhotroptyq zattar men prekýrsorlardyń aınalymymen baılanysty qyzmetke lıtsenzııanyń zańsyz berilgendigi anyqtaldy.
Lıtsenzııany ýákiletti organ belgilengen tártipti buza otyryp, ıaǵnı memlekettik organdardyń mindetti qorytyndylarynsyz bergen.
-Prokýratýranyń qadaǵalaý aktisi boıynsha kásiporynnyń 44,5 myń tonna prekýrsorǵa berilgen lıtsenzııasy qaıtaryp alyndy,-delingen Almaty qalasy prokýratýrasynyń habarlamasynda.
Osyǵan deıin Almatyda esirtki zerthanalaryn prekýrsorlarmen qamtamasyz etetin iri qylmystyq jeli joıylǵany týraly jazdyq.
