Almatyda prokýratýra ulttyq ýnıversıtet ǵımaratynyń bir bóligin memleketke qaıtardy

ALMATY. KAZINFORM – Almaty prokýratýrasy Qazaq ulttyq qyzdar pedagogıkalyq ýnıversıteti ǵımaratynyń 208 sharshy metr bóligi zańsyz jekeshelendirilgenin anyqtady.

Prokýratýranyń talap-aryzy boıynsha sot jasalǵan mámilelerdi jaramsyz dep tanydy. Sot aktisi zańdy kúshine endi.

Memlekettik múlik jáne jekeshelendirý salasyndaǵy ýákiletti organ qaıtarylǵan aktıvke baǵalaý júrgizip jatyr.

– Memlekettik múlikti paıdalaný jáne ıelikten shyǵarýdyń zańdylyǵyn qadaǵalaý, Almaty qalasy prokýratýrasynyń jiti baqylaýynda, - delingen habarlamada.

Eske salaıyq, buǵan deıin NNEF qoǵamdyq qory Almatydaǵy Qazaqstan-Brıtan tehnıkalyq ýnıversıteti (QBTÝ) ornalasqan ǵımaratty óz erkimen jáne óteýsiz negizde memlekettik menshikke bergenin jazǵanbyz.