Almatyda Prezıdent rezıdentsııasy ornyndaǵy jańa saıabaq qalaı túrlendi
ALMATY. KAZINFORM – Almatyda Prezıdent rezıdentsııasy ornyndaǵy saıabaq tehnıkalyq túrde ashyldy.
Skver Nazarbaev dańǵyly men Gandı kóshesiniń qıylysynda ornalasqan. Almaty ákimdiginiń málimetinshe, resmı ashylýy qarasha aıynyń basyna josparlanǵan.
Qazir skver aýmaǵynda serýendeýge jáne júgirýge arnalǵan jol, demalys aımaǵy, jaryqtandyrý jáne avtomatty sýarý júıesi ornatylǵan. Sondaı-aq 300-den astam aǵash pen 1500 buta egildi.
- Joba qalanyń ortalyq bóligin kórkeıtý baǵdarlamasy aıasynda turǵyndar úshin qolaıly jáne jasyl demalys aımaǵyn qurý maqsatynda júzege asyryldy, - dep habarlady ákimdikten.
Skver aýmaǵynda kólemdi toǵan salynǵan. Ol qysta muz aıdyny retinde paıdalanylady. Odan bólek buryn ǵımarat aýmaǵyn qorshap turǵan temir qorshaýlardyń bir bóligi alynyp tastaldy. Tek ákimdik ǵımaraty jaǵyndaǵy qorshaý ázirge saqtalǵan.
Saıabaqtyń erekshe tusy - órtengen rezıdentsııanyń bir qabyrǵasy óz ornynda qaldyryldy. Ol áınekpen qorshalǵan. Burynǵy ǵımarattyń qabyrǵasy 2022 jyly bolǵan Qańtar oqıǵasyn eske salady.
Nysan jaqynda ǵana qoldanysqa berilse de, onda serýendep júrgen almatylyqtardyń qarasy kóp. Áleýmettik jelide qala turǵyndary skverdi áıgili Nıý-Iorktiń Ortalyq saıabaǵyna uqsatyp jatyr.
Eske salaıyq, 2022 jyly 5 qańtar kúni Prezıdent rezıdentsııasyn bir top adam basyp alyp, órtep jiberdi. Sondyqtan Memleket basshysynyń sheshimimen bul ǵımarat súrilip, onyń ornyna saıabaq salynatyny habarlandy.
2022 jyly naýryz aıynda Almatydaǵy Prezıdent rezıdentsııasy tarıhı eskertkishter tiziminen alynyp tastaldy.
Saıabaq qurylysyna memlekettik bıýdjet pen jeke ınvestorlar qarjysy jumsaldy. Demeýshiler qaıtarymsyz negizde 2,2 mlrd teńge bóldi.
Buǵan deıin Prezıdent rezıdentsııasynyń ornyndaǵy jańa saıabaq qandaı bolatynyn jazǵanbyz.
