Almatyda polıtsııanyń burynǵy tergeýshisi qylmysty jasyrǵany úshin sottaldy

ALMATY. KAZINFORM – Arnaıy prokýrorlar Almatynyń Naýryzbaı aýdany polıtsııa basqarmasynyń burynǵy tergeýshisine qatysty sotqa deıingi tergep-tekserýdi aıaqtady.

Qala prokýratýrasynyń málimetinshe, tergeýshi 14 qylmystyń jasalǵany týraly málimetter qolynda bola tura, olardy tirkeýdi qasaqana jasyryp, qylmystyq quqyq buzýshylyqtardy esepke alýdyń belgilengen tártibin buzǵan.

– Júrgizilgen keshendi tergeý áreketteri aıyptalýshynyń quqyqqa qarsy áreketin rastady. Kúdiktiniń áreketteri QR Qylmystyq kodeksiniń 433-baby 2-bóligimen saralandy, - delingen habarlamada.

Sot úkimimen burynǵy tergeýshi kináli dep tanylyp, memlekettik qyzmette 3 jyl merzimge qyzmet atqarýǵa tyıym sala otyryp, 2 jylǵa bas bostandyǵyn shekteýge sottaldy.

Sondaı-aq sottalýshy «polıtsııa leıtenanty» arnaýly ataǵynan aıyryldy.

Eske salaıyq, buǵan deıin Almaty oblysynyń Talǵar aýdandyq sotynda kisi óltirý jáne qyz balany urlaý isi boıynsha oqıǵanyń aldyn almaǵan polıtsııa qyzmetkerine úkim shyqqanyn jazǵanbyz.