Almatyda polıtsııa tótenshe sátti paıdalanyp urlyq jasaǵandardy ustady
ALMATY. KAZINFORM — Almatyda polıtsııa qoǵamdyq oryndarda adamǵa kómek kórsetilgen sátte jasalǵan urlyqtardy anyqtady.
Qalalyq krımınaldyq polıtsııa qyzmetkerleri áleýmettik jelilerde keńinen taralǵan eki oqıǵany tergeý barysynda ashty.
Birinshi jaǵdaıda boıjetken qoǵamdyq orynda kenetten ózin nashar sezinip, janyndaǵy adamdar oǵan alǵashqy kómek kórsetken. Sol sátti paıdalanyp, beıtanys adamdar onyń uıaly telefonyn urlap ketken.
Ekinshi oqıǵa oıyn-saýyq oryndarynyń biriniń mańynda bolǵan kóshedegi tóbeleste tirkeldi. Dúrbeleń kezinde kúdiktiler janjalǵa qatysýshylardyń biriniń smartfonyn ıemdengen.
Almaty polıtsııa departamenti krımınaldyq polıtsııa basqarmasynyń bastyǵy Ashat Dáýletııarovtyń aıtýynsha, eki jaǵdaıda da kúdiktiler aınaladaǵy adamdardyń nazaryn tótenshe jaǵdaıǵa aýdarǵan sátte qylmys jasaǵan.
Jedel-izdestirý sharalarynyń nátıjesinde polıtsııa kúdiktilerdi anyqtap, ustady. Qazir olardyń basqa da uqsas qylmystarǵa qatysy tekserilip jatyr.
Eske salaıyq, buǵan deıin Almatyda páterlerge urlyqqa túsip júrgen kúdikti ustalǵanyn habarlaǵanbyz.