Almatyda polıtsııa iri kólemdegi esirtki satý arnasynyń jolyn kesti

ALMATY. KAZINFORM – Almaty qalasynda polıtsııa qyzmetkerleri kannabıs tobyna jatatyn esirtki quraldaryn asa iri mólsherde tasymaldaý, saqtaý jáne ótkizý arnasyn anyqtap, onyń jolyn kesti, dep habarlaıdy Polisia.kz.

Almaty qalasy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri júrgizgen jedel is-sharalar barysynda zańsyz esirtki aınalymymen aınalysqan top ustaldy. Tintý barysynda shamamen 3 keli gashısh jáne 2,5 keliden astam keptirilgen marıhýana tárkilendi.

Ustalǵan kúdiktiler ýaqytsha ustaý ızolıatoryna qamaldy.

Almaty qalasy polıtsııa departamentiniń esirtki qylmysyna qarsy is-qımyl basqarmasynyń bastyǵy Murat Jumabaev atalǵan operatsııa polıtsııa bólimsheleriniń úılesimdi ári nátıjeli jumysynyń aıqyn kórinisi ekenin atap ótti.

Onyń aıtýynsha, zańsyz esirtki aınalymyn anyqtaý jáne onyń jolyn kesý baǵytyndaǵy jumys júıeli túrde jalǵasa beredi.

Qazirgi ýaqytta atalǵan fakti boıynsha sotqa deıingi tergep-tekserý júrgizilip jatyr. Qylmystyq árekettiń barlyq mán-jaıy men yqtımal sybaılastary anyqtalýda.

Aıta keteıik, elde esirtki bıznesine qarsy kúreske arnalǵan jańa keshendi jospar qabyldandy.