Almatyda polıtsııa kóligi apatqa ushyrady

ALMATY. KAZINFORM – Almatyda tártip saqshylarynyń kóligi jol-kólik oqıǵasyna ushyrady.

Qalalyq polıtsııa departamentiniń málimetinshe, oqıǵa Almaly aýdanynda bolǵan. Esirtkige mas bolyp ustalǵan adam kenetten júrgizýshige kedergi jasap, rýldi tartyp jibergen. Nátıjesinde qyzmettik kólik basqa jeńil kólikke soǵylǵan.

- Eshkim zardap shekken joq. Oqıǵa polıtsııa qyzmetkeri qyzmettik mindetterin atqarǵan kezde bolǵan. Qazir qyzmettik tekserý taǵaıyndaldy. Nátıjeleri boıynsha barlyq qatysýshylardyń is-áreketterine quqyqtyq baǵa beriledi. Ustalǵan adamǵa qatysty zańnamaǵa sáıkes sharalar kózdelgen, - dep habarlady departamentten.

Eske salaıyq, buǵan deıin Almaty áýejaıy jóndeý jumystaryna baılanysty jolaýshylarǵa eskertý jasady.