Almatyda polıtsııa qyzmetkerine kúsh kórsetken er adam qamaldy
ALMATY. KAZINFORM — Almatydaǵy turǵyn úılerdiń birinde polıtsııa qyzmetkerlerine er adam qarsylyq kórsetken.
Jelide taraǵan beınejazbadan kúdiktiniń ózin ustap turǵan tártip saqshysyn uryp jibergenin kórýge bolady.
Bul jaǵdaıǵa baılanysty qalalyq polıtsııa departamenti túsinikteme berdi. Resmı jaýapqa sáıkes, Áýezov aýdanyndaǵy turǵyn úı̆ keshenderiniń birinde qoǵamdyq tártiptiń buzylǵany týraly «102» arnasyna habarlama kelip túsken. Oqıǵa ornyna patrýldik polıtsııa ekıpajy jedel túrde jetken. Oqıǵa ornynda quqyq buzýshylardyń biri polıtsııanyń zańdy talaptaryn oryndaýdan bas tartyp, olarǵa qarsylyq tanytqan.
— Kúdikti ustalyp, ýaqytsha ustaý ızolıatoryna qamaldy. Atalǵan fakti boı̆ynsha qylmystyq is qozǵaldy. Qazirgi ýaqytta oqıǵanyń barlyq mán-jaı̆y anyqtalyp jatyr. Oqıǵaǵa qatysýshylardyń áreketterine zańǵa sáı̆kes quqyqtyq baǵa beriledi, — dep habarlady polıtsııadan.
Polıtsııa qyzmettik mindetterdi atqarý kezinde tártip saqshylaryna kúsh qoldanýǵa jol berilmeı̆tinin eskertti. Mundaı̆ áreket qylmystyq jaýapkershilikke ákep soǵady.
Eske salaıyq, Almaty oblysynda «Dog House» panajaı ıesiniń ólimine qatysty kúdikti ustaldy.
