Almatyda polıtsııa qyzmetkerin ádeıi soqqan moped júrgizýshisi jazalandy

ALMATY. KAZINFORM — Almatyda moped júrgizýshisi polıtsııa qyzmetkerin qaǵyp ketip, oqıǵa ornynan qashpaq boldy. 

Oqıǵanyń beınejazbasymen Almaty qalasynyń polıtsııa departamenti bólisti. Resmı málimetke sáıkes, Tóle bı dańǵylynda jergilikti polıtsııa qyzmetiniń ekıpajy qarama-qarsy jolaqpen qozǵalyp kele jatqan mopedti baıqaǵan. Tártip saqshylary quqyq buzýshyny toqtatýǵa árekettengen, biraq 20 jastaǵy júrgizýshi zańdy talapqa baǵynbaǵan.

— Patrýldik polıtsııa qyzmetkerleriniń birin moped júrgizýshisi ony ádeıi qaǵyp, oqıǵa ornynan ketip qalǵan. Jedel is-sharalar nátıjesinde quqyq buzýshy anyqtalyp, ustaldy. Oǵan qatysty birneshe ákimshilik quqyqbuzýshylyq baby boıynsha is qozǵaldy, onyń ishinde polıtsııa qyzmetkeriniń zańdy talabyna baǵynbaǵany úshin de jaýapkershilik qarastyrylǵan. Sot qaýlysy boıynsha quqyq buzýshy 10 táýlikke ákimshilik qamaqqa alyndy, — dep habarlady departamentten.

Eske salaıyq, buǵan deıin Almatyda moped urlaǵan kúdikti polıtsııa qyzmetkerin jolda súırep ketti.

Sonymen qatar Almaty áýejaıynda júrgizýshi polıtsııa qyzmetkerin kóligimen súıregenin jazǵanbyz.