Almatyda polıtsııa atyn jamylyp, alaıaqtyq jasaǵan kúdiktiler ustaldy

ALMATY. KAZINFORM - Almatyda tártip saqshylary alaıaqtyq jasady degen kúdikke ilingen toptyń áreketin toqtatty.

Almaty qalasy Polıtsııa departamentiniń málimetinshe, ustalǵan azamattar ózderin tártip saqshylary retinde tanystyryp, «Qylmystyq jaýapkershilikke tartamyz» dep qorqytyp, turǵynnyń qolma-qol aqshasyn jáne kóligin ıemdengen. Shyǵyn somasy 12 mıllıon teńgeden asqan.

- Atalǵan derek boıynsha qylmystyq is qozǵaldy. Almaty qalasy men Almaty oblysy polıtsııa bólimsheleriniń birlesip júrgizilgen maqsatty jedel-izdestirý sharalarynyń nátıjesinde alty adam ustaldy. Tintý kezinde jalǵan qyzmettik kýálikter, protsessýaldyq qujat blankileri, nysandy kıim elementteri, oq-dáriler, mórler, sýyq qarýlar, sondaı-aq túrli elderden kelgen memlekettik nómir belgileri tárkilendi. Barlyq kúdiktiler ýaqytsha ustaý ızolıatoryna qamaldy. Tergeý jalǵasyp jatyr, - dep habarlady departamentten.

Eske salaıyq, buǵan deıin taksı júrgizýshisin urǵan jolaýshylar 15 kúnge qamalǵanyn jazǵanbyz.