Almatyda polıtsııa alkogol ónimderin zańsyz satý derekterin anyqtady

ALMATY. KAZINFORM – Túrksib aýdanynda reıdtik is-sharalar barysynda ýchaskelik polıtsııa ınspektorlary alkogol ónimderin tıisti lıtsenzııasyz satý faktisin anyqtady.

Zańsyz satylǵan taýar tárkilenip, saýda nysanynyń ıesine qatysty ákimshilik materıal jınaqtaldy. Sot sheshimimen quqyq buzýshy ákimshilik jaýapkershilikke tartyldy. Tárkilengen alkogol ónimderi memleket kirisine tárkilenip, zańnamada belgilengen tártippen joıý úshin ýákiletti organdarǵa berildi.

Polıtsııanyń málimetinshe, atalǵan jedel-profılaktıkalyq is-shara aıasyndaǵy profılaktıkalyq jumys quqyq buzýshylyqtar deńgeıin tómendetýge, turmystyq qylmystardyń aldyn alýǵa jáne aýlalar men turǵyn yqsham aýdandarda qaýipsiz ortany qalyptastyrýǵa baǵyttalǵan.

– «Qaýipsiz aýla» jedel-profılaktıkalyq is-sharasynyń basty maqsaty – azamattardyń qaýipsizdigin qamtamasyz etý. Biz alkogol ónimderiniń zańsyz aınalymyn anyqtaýǵa erekshe nazar aýdaramyz, sebebi mundaı faktiler qoǵamdyq tártip pen quqyq buzýshylyq deńgeıine tikeleı áser etedi. Bul baǵyttaǵy jumys aldaǵy ýaqytta da jalǵasady, - dedi Túrksib aýdandyq polıtsııa basqarmasynyń bastyǵy Dýman Aýhadıev.

Eske salaıyq, buǵan deıin Májilis depýtaty Magerram Magerramov Premer-mınıstr Oljas Bektenovke joldaǵan depýtattyq saýalynda eldegi alkogol ónimderi aınalymyna qoıylatyn talaptardy qatańdatýdy usynǵan edi.