Almatyda plastıkalyq hırýrgııa klınıkasynda tanymal bloger kóz jumdy
ALMATY. KAZINFORM — Almatyda plastıkalyq hırýrgııa jasaıtyn klınıkada áıel mert boldy.
BAQ pen áleýmettik jelilerde tanymal kásipker ári bloger Sáýle Ermahanovanyń Smart Beauty Clinic klınıkasynda jan tapsyrǵany aıtylǵan. Almaty qalasynyń polıtsııa departamenti bul jaǵdaıǵa qatysty túsinikteme berdi.
— 15 mamyr kúni Almaty qalasynyń 53 jastaǵy turǵyny jekemenshik klınıkalardyń birinde kóz jumdy. Atalǵan derek boıynsha Bostandyq aýdandyq polıtsııa basqarmasy qylmystyq is qozǵady, — dep habarlady departamentten.
Qazirgi ýaqytta sotqa deıingi tergep-tekserý aıasynda tergeý áreketteri júrgizilip jatyr. Polıtsııanyń baspasóz qyzmeti onyń qorytyndysy boıynsha túpkilikti protsessýaldyq sheshim qabyldanatynyn atap ótti. Sondaı-aq QR QPK-niń 201-babynyń talaptaryna sáıkes sotqa deıingi tergep-tekserýdiń ózge málimetteri jarııa etýge jatpaıtynyn eske saldy.
Buǵan deıin Taldyqorǵanda aýrýhanaǵa jatýdan bas tartqan 23 jastaǵy sportshy qaıtys bolǵanyn jazǵanbyz.
