Almatyda pyshaq ustaǵan top týraly habarlamadan keıin alty adam qolǵa tústi
ASTANA. KAZINFORM — Almatynyń Aqsaı shaǵynaýdanynda bolǵan janjaldan keıin bir jas jigit pyshaq jaraqatyn aldy. Oqıǵaǵa qatysy bar degen kúdikpen polıtsııa alty adamdy ustap, sotqa deıingi tergeýdi bastady.
Tún ortasy. «102» pýltine kóshede pyshaq ustaǵan bir top jas júrgeni týraly habarlama tústi. Arada birneshe mınýt ótkende polıtsııa qyzmetkerleri birden alty kúdiktini ustady.
Oqıǵa Aqsaı shaǵynaýdanynda bolǵan.
Oqıǵa ornyna kelgen polıtsııa qyzmetkerleri janjal barysynda bir jas jigittiń pyshaq jaraqatyn alǵanyn anyqtady.
— «Býran-308» ekıpajy oqıǵa izin sýytpaı alty jas jigitti ustady. Olar bolǵan jaǵdaıǵa qatysy bolýy múmkin. Keıbiriniń kıiminen qanǵa uqsas izder anyqtaldy. Sondaı-aq tergeý úshin mańyzy bar zattar tárkilendi, — delingen habarlamada.
Ustalǵandardyń barlyǵy tergeý amaldaryn júrgizý úshin Áýezov aýdandyq polıtsııa basqarmasyna jetkizildi.
Qazirgi ýaqytta polıtsııa qyzmetkerleri oqıǵanyń tolyq hronologııasyn, janjaldyń sebepterin, qatysýshylardyń árqaısysynyń rólin, sondaı-aq pyshaq jaraqatyn salýǵa tikeleı qatysy bar adamdy anyqtap jatyr.
Sotqa deıingi tergep-tekserý jalǵasady.
Aıta keteıik, buǵan deıin Almatyda jappaı tóbeles kezinde eki jasóspirim mert bolǵanyn jazǵan edik.
