Almatyda penthaýsqa qosymsha salynǵan zańsyz ǵımarat buzylyp jatyr

ALMATY. KAZINFORM – Ál-Farabı dańǵyly, 101 mekenjaıyndaǵy penthaýsqa qosymsha salynǵan ǵımaratty buzý jumystary júrgizilýde. Bul týraly Almatynyń qala qurylysyn baqylaý basqarmasy málim etti. 

Atalmysh basqarmanyń málimetinshe, elıtalyq turǵyn úı ıesi páteriniń aınalasyna ruqsat qujattarynsyz qosalqy ǵımarat turǵyzǵan. 

Osy oraıda Almatynyń qala qurylysyn baqylaý basqarmasy nysan boıynsha jospardan tys tekserýler bolatynyn birneshe ret eskertken. Alaıda menshik ıesi habarlamaǵa jaýap bermegen. 

«Basqarma Bostandyq aýdandyq sotyna jalpy aýdany 150 sharshy metr penthaýsqa qosalqy ǵımaratty buzý týraly talap aryz berdi. Bostandyq sotynyń 2023 jyldyń 13 qańtaryndaǵy sheshimimen basqarmanyń buzý týraly talaby qanaǵattandyryldy. Byltyr 11 sáýirde Almaty qalalyq soty birinshi satyly sottyń sheshimin ózgerissiz qaldyrdy», - dep atap ótti basqarmadan.

Menshik ıesi zańsyz turǵyzylǵan qurylysty buzýǵa Almaty qalasy Ádilet departamentiniń sot oryndaýshylarymen birge erikti túrde kiristi.