Almatyda páterinde «esirtki úıin» uıymdastyrǵan azamat sottaldy

ALMATY. KAZINFORM – Almaty polıtsııasy osy jyldyń sáýir aıynda óz úıinde esirtki prıtonyn uıymdastyrǵan turǵyndy tutqyndaǵan bolatyn. Áýezov aýdandyq soty qylmyskerdi 3 jylǵa sottady.

«Áýezov aýdanynyń turǵyndarynyń biri óziniń páterinde esirtki zaty – geroındi qoldaný úshin úı-jaı berip, «esirtki úıin» uıymdastyrǵan. Páterdi tintý kezinde elektrondy tarazylar, paıdalanylmaǵan shprıtster, quramynda ósimdik tektes jáne untaq túrindegi zattary bar baılamdar tabylyp, tárkilendi», – dep habarlady Almaty qalalyq PD Esirtki qylmysyna qarsy kúres basqarmasynan.

Almaty qalasy Áýezov aýdandyq sotynyń úkimimen A. esimdi azamat QR QK-niń 296-baby 4-bóligi jáne QR QK-niń 302-baby 1-bóliginde kózdelgen qylmystyq quqyq buzýshylyqtardy jasaǵany úshin kináli dep tanylyp, 3 jyl merzimge bas bostandyǵynan aıyrý jazasy taǵaıyndaldy.

Eske salaıyq, buǵan deıin Almatyda esirtki satýmen aınalysqan uıymdasqan qylmystyq top músheleri sottalǵanyn jazǵanbyz.