Almatyda páterlerge urlyqqa túsip júrgen kúdikti ustaldy

ALMATY. KAZINFORM — Polıtsııa qyzmetkerleri urlyqtyń birneshe deregine qatysy bar kúdiktini ustady. Qazir onyń keminde tórt epızodqa qatysy bar ekeni anyqtaldy.

Polıtsııanyń málimetinshe, kúdikti jedel-izdestirý is-sharalary kezinde qolǵa tústi. Aldyn ala málimetterge qaraǵanda, ol Almaly aýdanyndaǵy páterlerge urlyqqa túsip, velosıpedterdi de alyp ketken. Ol keıbir jaǵdaıda turǵyn úılerge kilt tańdaý arqyly zańsyz kirse, endi birinde kireberisterde turǵan múlikterdi urlaǵan.

Almaty polıtsııa departamenti krımınaldyq polıtsııa basqarmasynyń bastyǵy Ashat Dáýletııarovtyń aıtýynsha, bul qylmystyq is boıynsha jumys jalǵasyp jatyr.

— Qazirgi tańda qylmystyq árekettiń tórt deregi anyqtaldy. Kúdikti ustalyp, oǵan qatysty tergeý amaldary júrgizilip jatyr. Zardap shekkender sany budan da kóp bolýy múmkin, onyń basqa da uqsas qylmystarǵa qatysy tekserililedi, — dedi Ashat Dáýletııarov.

Qazir qosymsha jedel-izdestirý jáne tergeý is-sharalary júrgizilip jatyr.

Osydan buryn almatylyq áıel avtobýsta 4,1 mln teńgeniń aqshasy men altynyn urlaǵanyn habarlaǵanbyz.