Almatyda páterden alaıaqtyqqa arnalǵan 285 SIM karta tabyldy

ALMATY. KAZINFORM — Almatyda «Kıbrepol» qyzmetkerleri qalalyq prokýratýranyń úı̆lestirýimen arnaı̆y is-shara júrgizdi.

Megapolıstegi turǵyn úı̆ keshenderiniń birindegi jaldamaly páterde avtomatty telefon stanıtsııasyn (ATS) uı̆ymdastyrǵan 26 jastaǵy er adam ustaldy. Ol sheteldik alaıaqtardyń qazaqstandyqtarǵa qońyraý shalýyna múmkindik beretin qurylǵyny qosyp otyrǵan.

«Úı̆di tintý kezinde 32 SIM-karta sloty bar SIM-qorap jabdyǵy, sondaı̆-aq uıaly baı̆lanys kompanııalarynyń birine tıesili 285 dana SIM karta tabyldy. Bul jabdyqty ınternet-alaıaqtar anonımdi túrde ártúrli ınternet-qyzmetterdi jáne messendjerlerdi, akkaýnttardy tirkeý úshin paı̆dalanady, olardyń kómegimen alaıaqtar basqa elde bola tura qazaqstandyqtarǵa telefon soǵady. Kúdikti osy jabdyqty ornatý, qosý jáne slottardaǵy SIM kartalardy aýystyrýdan turatyn „jumysty“ ınternetten tapqanyn aı̆tty. Qazirgi ýaqytta qylmystyq is aıasynda jedel sharalar júrgizilýde. Ustalǵan azamat qamaýǵa alyndy», — dedi Almaty qalasy Polıtsııa departamenti bastyǵynyń birinshi orynbasary Qýatbek Naýatov.

Eske salaıyq, buǵan deıin alaıaqtar qalaı 1414 nómirinen SMS jiberetinin jazǵanbyz.