Almatyda páter satyp alýǵa bolmaıtyn úılerdiń tizimi shyqty
ALMATY. KAZINFORM – Almaty ákimdigi jyljymaıtyn múlik satyp almas buryn qurylys kompanııasynyń qujattaryn muqııat tekserýdi usynady.
Qala qurylysyn baqylaý basqarmasy Almatyda satyp alýǵa usynylmaıtyn turǵyn úı keshenderiniń tizimin jarııalady. Bul tizimde 36 turǵyn úı bar.
Aıta ketý kerek, tizimge qurylysy áli bastalmaǵan ruqsat qujattary joq nysandar kirdi. Basqarmanyń aqparatyna sáıkes, osyndaı TK boıynsha usynystar ınternet-resýrstardyń monıtorıngi nátıjesinde anyqtalady.
«Almatylyqtarǵa jyljymaıtyn múlikti satyp almas buryn salynyp jatqan turǵyn úı kesheni qujattarynyń bar-joǵyn tekserý qajet ekenin eske salamyz, muny Almaty qalasy qala qurylysyn baqylaý basqarmasynyń WhatsApp +7 705 896 60 00 jedel jelisiniń nómiri boıynsha jasaýǵa bolady»,- delingen ákimdik taratqan aqparatta.
