Almatyda Paralımpıada qatysýshysyna 2 mln teńge men baspana kilti tabystaldy
ALMATY. KAZINFORM – Almaty ákimdiginde XVII jazǵy Paralımıpıada oıyndarynyń qatysýshysy Kámılıa Dosmalovany quttyqtady.
Kámılıa Dosmalova – para taekvondodan halyqaralyq dárejedegi sport sheberi, ol Parıjde ótken XVII jazǵy Paralımpıada oıyndarynda besinshi oryn aldy.
Almaty ákiminiń orynbasary Beıbit Shahanov sportshy men onyń jeke jattyqtyrýshysy Ánýar Úsenovty erik-jiger men tabandylyqtyń úlgisin kórsetkenderin atap ótip, tabysty óner kórsetýimen quttyqtady.
Kezdesý barysynda Beıbit Shahanov Kámılıa Dosmalova men onyń jattyqtyrýshysyna Premer-Mınıstr Oljas Bektenovtyń atynan alǵys hat tabys etti.
Sondaı-aq ol Kámılıa Dosmalovaǵa 2 mıllıon teńgelik aqshalaı sertıfıkat, al Ánýar Úsenovke 1,5 mıllıon teńgelik sertıfıkatty tapsyrdy. Sonymen qatar, sportshyǵa qyzmettik baspana berildi.
«Bizge qoldaý kórsetken barlyq qazaqstandyqtarǵa, sondaı-aq Almaty ákimdigine zor alǵysymdy bildiremin. Bul qoldaý meniń bolashaq jetistikterime negiz bolady», - dedi Kámılıa Dosmalova.
Ótken Paralımpıadada Qazaqstan quramasy rekordtyq toǵyz medal jeńip aldy, onyń ishinde 2 altyn, 3 kúmis jáne 4 qola bar.
Jalpy, 2024 jyly Parıjde ótken Paralımpıada oıyndarynda Qazaqstan namysyn sporttyń 9 túrinen 44 sportshy qorǵady, bul rekordtyq kórsetkish boldy.
Qazaqstan quramasy toǵyz medal jeńip aldy, onyń ishinde 2 altyn, 3 kúmis jáne 4 qola.
