Almatyda para týraly habarlaǵandarǵa 4 mln teńgeden astam syıaqy berildi
ALMATY. KAZINFORM – QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti bıyl para týraly habarlaǵan 6 azamatqa 4 mln 486 myń teńge somasynda syıaqy berilgenin habarlady. Syıaqynyń eń kóbi - para somasynyń on paıyzy, ıaǵnı 3 mln. 745 myń teńge bolǵan.
– Syıaqy somasy sybaılas jemqorlyq quqyq buzýshylyqtyń aýyrlyǵyna baılanysty belgilenedi. Para nemese keltirilgen zalal somasy 1 myń aılyq eseptik kórsetkishten (3 mln. 692 myń teńge) aspaıtyn habarlama úshin syıaqy 30-dan 100 aılyq eseptik kórsetkishke deıin (110 760 teńgeden 369 200 teńgege deıin) beriledi. Kórsetilgen somadan joǵary bolsa – syıaqy paranyń 10%-yna teń bolady, biraq 4 myń aılyq eseptik kórsetkishten aspaýy qajet (14 mln. 760 myń teńge), - dep habarlady deparamentten.
Aıta ketken jón, sybaılas jemqorlyq kórinisterine tap bolǵan nemese zańsyz sybaılas jemqorlyq buzýshylyqtardyń baıqaýsyzda kýágeri bolǵan azamattar Sybaılas jemqorlyqqa qarsy qyzmetke kelesi tásilderdiń birimen júgine alady:
– Almaty qalasy, Jibek joly kóshesi, 15 meken-jaıy boıynsha departamentke ótinish jazý;
– «E-ótinish» aqparattyq júıesi arqyly ótinish qaldyrý;
– Sybaılas jemqorlyqqa qarsy qyzmettiń 1424 Call-ortalyǵyna habarlasý.
Eske salaıyq, buǵan deıin Almatyda mektepten aqsha jymqyrǵan býhgalter 7 jylǵa sottalǵanyn jazǵanbyz.
