Almatyda para alǵan polıtseıler ústinen is qozǵaldy
ALMATY. KAZINFORM — Áleýmettik jelide shyqqan beınejazbaǵa baılanysty almatylyq polıtseılerdiń ústinen sotqa deıingi tergeý bastaldy.
Sybaılas jemqorlyqqa qarsy qyzmet 17 mamyr kúni áleýmettik jelide belgisiz avtor jarııalaǵan beınejazbaǵa mán bergen. Onda Almaty qalasynyń polıtsııa qyzmetkerlerine kólik ishinde aqsha berý faktisi jazylǵan.
— Sybaılas jemqorlyqqa qarsy qyzmet kórsetilgen jarııalanymǵa ýaqytyly den qoıyp, sheteldik azamatqa qatysty ákimshilik sıpattaǵy sharalar qoldanbaǵany úshin para alý faktisi boıynsha Almaty qalasy Polıtsııa departamentiniń qyzmetkerlerine qatysty sotqa deıingi tergeýdi tirkedi. Tergeý jalǵasyp jatyr - dep habarlaıdy SJQQ baspasóz qyzmeti .
Aıta keteıik, Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
