Almatyda padelden Qazaqstan alǵashqy chempıonatynyń jeńimpazdary anyqtaldy
ALMATY. KAZINFORM — Almaty qalasynda padelden eresekter arasynda Qazaqstannyń birinshi chempıonaty máresine jetti.
Qazaqstan padel federatsııasynan málim etkenindeı, týrnır ADD Padel and Table Tennis Center korttarynda ótkizildi.
Erler arasynda Evgenıı Danılov pen Jánibek Úmbetov altyn medalǵa ıe boldy. Olar fınalda tartysty básekede Rodıon Pak pen Nıkıta Sıdorovty qapy qaldyrdy — 7:6, 6:3.
Jaqas Qozybaq pen Aldııar Muzdybaev qola júldeni qanaǵat tutty.
Áıelder arasynda Marııa Sınıtsyna men Albına Habıbýlına úzdik shyqty. Olar sońǵy básekede Áıgerim Súleımen men Tatıana Gıorgadzeden aılasyn asyrdy — 6:4, 7:5. Qola júlde Ánel Kıldııarova men Albına Matveevaǵa buıyrdy.
Jýyrda Qazaqstan ulttyq quramasynyń músheleri Ázerbaıjanda ótetin FIP Bronze Baku jarysyna attanady. Sodan keıin Indonezııada FIP Bronze Jakarta dodasynda óner kórsetedi.
Jyldyń eń basty jarysy — Azııa oıyndary qyrkúıek aıynda Japonııada bolady.
Eske sala keteıik, budan buryn qazaqstandyq padel oıynshylarynyń álemdik reıtıngide joǵary kóterilgenin jazǵan edik.
