Almatyda ózen boıynda serýendeıtin jańa keńistik paıda boldy
ALMATY. KAZINFORM – Alataý aýdanynda jańa jaıaý júrginshiler aımaǵy paıdalanýǵa berildi. Oǵan «Alatau Terrenkur» ataýy berilgen.
Qoǵamdyq keńistik Rysqulov pen Raıymbek dańǵyldarynyń aralyǵyndaǵy Úlken Almaty ózeniniń jaǵasynda ornalasqan.
Almaty ákimdiginiń málimetinshe, jóndeý jumystary aıasynda aýmaq tolyq kóriktendirildi. Ózen jaǵalaýynda shaǵyn sáýlettik nysandar men jaryqtandyrý tirekteri ornatylyp, «Shańyraq» art-nysany jasaldy. Odan bólek aǵash egilip, kógal tóseldi jáne zamanaýı avtomatty sýarý júıesi engizildi.
- Qoǵamdyq keńistik qazirdiń ózinde aýdan turǵyndary úshin serýendeýge jáne demalýǵa arnalǵan tanymal orynǵa aınaldy, - dep habarlady ákimdikten.
Eske salaıyq, 2025 jyldyń tamyz aıynda Medeý aýdanynda Terreńqur aımaǵyn jańǵyrtý jumystary aıaqtaldy.
