Almatyda Ózbekstannyń 40 azamaty elden shyǵaryldy

ALMATY. KAZINFORM – Almatyda Ózbekstan Respýblıkasynyń 40 azamaty kóshi-qon zańnamasyn buzǵany úshin el aýmaǵynan shyǵarylady.

Olar Qazaqstan Respýblıkasynyń Ózbekstan Respýblıkasymen shekarasyna deıin arnaıy reıstik avtobýstarmen tasymaldandy.

– Biz qalamyzda shetel azamattarynyń kóshi-qon zańnamany saqtaýyn jáne zańdy turǵylyqty bolýyn qadaǵalaımyz. Anyqtalǵan tulǵalar kóshi-qon tártibi erejelerin buzǵandyqtan, zańnamaǵa sáıkes el aýmaǵynan shyǵaryldy, - dedi Almaty polıtsııa departamenti Kóshi-qon qyzmet basqarmasynyń bastyǵy Erkin Amantaev.

Polıtsııanyń málimetinshe, azamatardy elden shyǵarý is-sharasy qoldanystaǵy zańnamaǵa sáıkes, árbir tulǵanyń qujattyq rásimdelýi jáne shekaraǵa deıingi qaýipsiz tasymal baqylaýymen júrgizildi.

Eske salaıyq, buǵan deıin Almatydan deportatsııalanatyn sheteldikter sany jyl saıyn artyp kele jatqanyn jazǵanbyz.