Almatyda ózbekstandyq ırrıgatsııa ınstıtýtynyń fılıaly ashylmaq
Almaty qalasynda ózbekstandyq Tashkent ırrıgatsııa jáne aýyl sharýashylyǵyn mehanızatsııalaý ınstıtýtynyń fılıaly ashylmaq. Bul týraly osy jyly atqarylǵan jumystardyń qorytyndysy shyǵarylyp, keler jyldyń josparlary jarııalaǵan jıynda Qazaqstannyń Ózbekstandaǵy Tótenshe jáne ókiletti elshisi Beıbit Atamqulov aıtty, dep habarlaıdy Kazinform agenttiginiń menshikti tilshisi.
Elshi sóz basynda bıyl kóptegen jobalar qolǵa alynyp, nátıjeli kezdesýler men kelissózder ótkenin atap ótip, keler jyldyń josparyna toqtaldy.
«Kelesi jyly da mańyzdy ister atqarylmaq. ıAǵnı, Samarqandta Úkimet basshylarynyń óńiraralyq forýmyn ótedi, Qazaqstanda úkimetaralyq komıssııanyń kezekti otyrysy uıymdastyrylady. Sondaı-aq, Ózbekstan prezıdenti Shavkat Mırzıeevtiń Qazaqstanǵa memlekettik sapary josparlanyp otyr. Onyń aıasynda birqatar mádenı is-sharalar bolady, atap aıtqanda Álisher Naýaıge arnalǵan eskertkishti ashý josparlanýda. Buǵan qosa, taıaýda M.Áýezov atyndaǵy Ońtústik Qazaqstan ýnıversıtetiniń Shyrshyq qalasyndaǵy fılıalyn, al Almatyda Tashkent ırrıgatsııa jáne aýyl sharýashylyǵyn mehanızatsııalaý ınstıtýtynyń fılıalyn ashý kózdelip otyr», - dep málim etti Beıbit Atamqulov.
Onyń aıtýynsha, kelesi jyly otandyq rejısser, akterlerdiń qatysýymen Ózbekstanda Qazaqstannyń kıno jáne teatr kúnderi ótkiziledi.
«Aldaǵy jyly Ózbekstanda qazaqstandyq «Jibek Joly» arnasynyń telehabarlaryn taratý, sáıkesinshe Qazaqstanda ózbekstandyq «O`zbekiston-24» arnasynyń habarlaryn kórsetý bastalady. Bul qos eldiń arasyndaǵy qarym-qatynasqa eleýli serpin bere túseri sózsiz», - dep túıindedi Beıbit Atamqulov.
