Almatyda oıyn alańynda adamdy baýyzdap ketti

ALMATY. KAZINFORM – Almatyda balalar oıyn alańynda kisini óltirip ketti.

Qandy qylmys týraly aqparat Telegram arnalardyń birine shyqty. Onda oqıǵa áýejaı aımaǵynda jasalǵany týraly jazylǵan. 

«Kisini óltirip ketti, tamaǵyn kesip ketken», — delingen habarlamada.

Almaty qalalyq polıtsııa departamenti kisi óltirý faktisi boıynsha qylmystyq is qozǵalǵanyn habarlady.

«Kúdikti izi sýymaı ustalyp, ýaqytsha ustaý ızolıatoryna qamaldy. Aldyn ala boljam boıynsha qylmys alkogoldik ishimdikterdi birge ishý saldarynan jasalǵan. Basqa jaǵdaılar anyqtalýda», - dep habarlady qalalyq polıtsııa departamentiniń baspasóz qyzmeti.

Almatyda balalar oıyn alańynda kisi ólimi oqıǵasy birinshi ret bolyp turǵan joq. Buǵan deıin ótken jyly oıyn alańynda er adamnyń pyshaqtalǵanyn jazǵanbyz.